1: ماهو Rab7 ؟
طال عمركم Rab7 منصة توسعون صدركم فيها وتنبسطون بانواع ترفيه مختلفة وتفوزون بجوايز وعروض مجانية وخصومات قوية , الوضع سعة صدر و وناسة وجوايز 
, يعني النظام المخيس اللي يقولك اشتر 7 مرات ونعطيك جائزة وجبة او خصم مجانا مهب عندنا ..

2: هل يشترط على العميل دفع رسوم للإنضمام إلى برنامج رابح؟
سلاااامااات , لالا ابد مايحتاج , مستحيل نخلي عميلنا يدفع علشان يستانس وينبسط , بالعكس حنا نوفر له ترفيه جوايز اذا فاز ونوسع صدره , خيير ؟؟ قال ايش قال ناخذ فلوس من العميل , لا حنا اكبر من هذي التصرفات .

3: ماهي شروط الانضمام للبرنامج ؟
لا يوجد أي شروط للانضمام في برنامج رابح جميع العملاء مؤهلين للإنضمام إلى البرنامج من خلال تطبيق رابح للأجهزة الذكية


4: كيف أشترك في برنامج رابح؟
ولا شروط ولا شي دامك تحب الفلة والوناسة وسعة الصدر والترفيه فانت ضمن عائلتنا , واذا ماتحبها بتخليك تحبها ان شاء الله ... 

5: متى استطيع الاستفادة من الإشتراك ؟
يحووول وشذا السؤال النشبة , قلناالكم حنا اكبر من اننا ناخذ اشتراك من عملائنا ..

6: ماهي آلية تجميع المبالغ المكتسبة ؟
الوضع فلللة ووناسة العب واجمع نقاط واذا فزت تكسب جايزة مجانية او عروض خنفشارية , يعني ماله اي داعي تروح للكاشير وتسوي زحمة وتقول ادخل رقمي .. 

7: طيب لو فاز العميل بلعبة يقدر يلعبها ثانية والا تحجرون له  ؟
لالا ماعندنا نظام قعيطية , اول ما تتجدد اللعبة يقدر العميل يلعبها ثانية ويحاول الفوز , سلامات وش شايفنا نحجر لعملائناا , ياخي عليكم اسئلة مدري وش تبي 

8: هل أحتاج لحمل بطاقة من أي نوع أو صورة باركود معين ؟
يوووه وشذا الجو القدييم , فيه احد الى الحين يشيل بطاقات , لالا تطبيقنا فيه كل شي ولا تشيل اي بطاقة ...

9- هل المعلومات الشخصية تحفظ بسرية؟
نعم، يتم الحفاظ على سرية معلومات العميل لدى الشركة و إلى الحد الذي تسمح به القوانين و التشريعات ذات العلاقة , ولقد صمم التبادل الإلكتروني للمعلومات الشخصية لتحقيق أقصى قدر من الحفاظ على علاقتك السوقية مع تمكين رابح من القيام بما تطلبه من الخدمات والمنتجات ولذا فإن أي معلومة شخصية يتم جمعها من قبل رابح تستخدم فقط لغرض تزويدك بخدمات تسوقية إن المعلومات التي نجمعها تستخدم لعدة أسباب، مثل التأكد من شرعية استخدامك لخدماتنا، والسماح لنا بقياس أداء وسلامة خدماتنا، وإن وصول موظفي رابح لمعلوماتك الشخصية محدود وهذا لا يتم إلا لتمكين هؤلاء الموظفين من تزويدك بما تحتاج من خدمات و مقدمو الخدمات أطراف ذات علاقة


10: وشي عروضكم ؟
حنا مررره نركز على العروض المجانية يعني نظام استهبال اللي يقول 10% او 15% هذا مانبيه يجي عندنا , لان عملائنا يستاهلون احسن العروض , سلامات نخلي عميلنا يطق  مشوار علشان عرض 10% !!


11: طيب العميل يقدر يلعب اكثر من لعبة او يشارك في اكثر من عملية ترفيهية ؟
وش قلنا توو ؟؟ 
نظاام تحجيير ماعندنا , حنا راعين فلله وسعة صدر , العب الييين تقوول بس وفز اليين تقول بسس 


12: من هم عملاء الخصومات الخاصة ؟
هناك عملاء يمكنهم الحصول على خصم خاص حسب الفئة المعتمدة من الشركة وهم كالتالي : يمنح برنامج رابح خصومات خاصة للأيتام ,ذوي الاحتياجات الخاصة ,ذوي شهداء الواجب ,الأرامل والمطلقات وبعض المؤسسات والقطاعات العامة والخاصة والخيرية، ولمعرفة مزيد من التفاصل عليكم الاتصال بمركز خدمات العملاء


13: الحين لازم اشتري من المحلات اللي مسجلة معكم علشان اسجل بتطبيقكم ؟
 خييير ؟؟ 
طبعاا لا , يا هلا ومسهلا انت وربعك ومن يعز عليك تسجلون التطبيق تطبيقكم طال عمرك , سجل والعب وفز بالعروض المجانية ولا يهمك اي احد 


14: هل بإمكاني تغيير بياناتي و رقم الجوال؟
نعم يمكنك ذلك من خلال تطبيق رابح للأجهزة الذكية و سوف يتم ربط البيانات بعد تفعيل رقم الجوال الجديد



15: كيف يمكنني معرفة المتاجر المشاركة؟
يمكنك معرفة المتاجر المشاركة من خلال تطبيق رابح للأجهزة الذكية


16: والله الاسئلة واجد بس شكل تطبيقكم يحمس رهيبين انتم صراحة!
تسلم طال عمرك , حنا نبي العميل يفل ابوووها وينبسط ويستانس ويربح , يعني مسمين نفسنا رابح كذا بس لالا لازم نخلي العميل يربح ...